ලබන 21 වැනිදා අලුයම 4 .00 ට සංචරණ සීමා ඉවත් කිරීමත් සමග පළාත් තුළ පමණක් දුම්රිය ධාවනය සිදු කිරිමට සැලසුම් කර ඇති බව දුම්රිය දෙපාර්තමේන්තුව පවසයි.
කෙසේ වෙතත් බස් රථ ධාවනය සඳහා මෙතෙක් තීරණයක් ගෙන නොමැති බව ශ්‍රී ලංකා ගමනාගමන මණ්ඩලය පවසයි.
එහි නියෝජ්‍ය සාමාන්‍යාධිකාරී ඒ. එච්. පණ්ඩුක ස්වරණහංස මහතා ප්‍රකාශ කළේ, ඒ පිළිබඳ උපදෙස් අපේක්ෂාවෙන් සිටින බවයි.
ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා ප්‍රකාශ කළේ ,සංචරණ සීමා ඉවත් කිරීමෙන් පළාත් තුළ පමණක් සීමිත බස් ගමන් වාර සංඛ්‍යාවක් ධාවනය කිරීමට සැලසුම් කර ඇති බවයි.