ඉන්දුනීසියාවේ සුමාත්‍රා දිවයින ආශ්‍රිතව අද (14) අලුයම සිදුව ඇති භූ චලනයෙන් මෙරටට සුනාමි අවදානමක් නැතැයි කාලගුණ විද්‍යා දෙපාර්තමේන්තුව පවසයි.
එහි ජාතික සුනාමි පූර්ව අනතුරු ඇඟවීමේ මධ්‍යස්ථානය නිවේදනය කරන්නේ, ඒ අනුව මුහුදුබඩ ප්‍රදේශවල සාමාන්‍ය ජන ජීවිතය ආරක්ෂිත බවය.
ජාතික සහ අන්තර් ජාතික ආයතන සමග එක්ව මෙම නිවේදනය නිකුත් කරන බව ද කාලගුණ විද්‍යා දෙපාර්තමේන්තුව සඳහන් කරයි.
ඉන්දුනීසියාවේ සුමාත්‍රා දිවයින ආශ්‍රිතව අද අලුයම 2.39 ට මැග්නිටියුඩ් ඒකක 6.8 ක භු චලනයක් සිදුව තිබුණි.