පරිගණක මෘදුකාංගයක් හරහා රුපියල් කෝටි 1,500කට අධික මුදලක් වංචා කළ බවට අත්අඩංගුවට ගත් චීන ජාතික යුවළ ඇතුළු සැකකරුවන් 08දෙනා තවදුරටත් රක්ෂිත බන්ධනාගාරගත කිරීමට අධිකරණය නියෝග කර තිබේ.
අදාළ සැකකරුවන් ලබන 15 වන දින දක්වා රක්ෂිත බන්ධනාගාරගත කිරීමට කොළඹ අතිරේක මහෙස්ත්‍රාත් මංජුල රත්නායක මහතා නියෝග කර ඇත.
ස්පෝට්ස් චේන් නම් පරිගණක මෘදුකාංගයක් මගින් වැඩි ප්‍රතිලාභ ලබා දෙන බව පවසා විවිධ පුද්ගලයින්ගෙන් රුපියල් කෝටි 1,500කට අධික මුදලක් වංචා කළ බවට අදාළ චීන ජාතික යුවළ ඇතුළු සැකකරුවන් 08දෙනා අත්අඩංගුවට ගෙන තිබුණි.
සැකකරුවන් සම්බන්ධයෙන් සිදුකර ඇති ඇප ඉල්ලීම පිළිබඳ තීන්දුව ලබන 15 දින ප්‍රකාශයට පත් කරන බව නඩුව කැඳවූ අවස්ථාවේ අතිරේක මහෙස්ත්‍රාත්වරයා නියෝග කර ඇත.