පොලිස් මූල්‍ය අපරාධ කොට්ඨාසයේ ක්‍රියාකාරීත්වය සම්බන්ධයෙන් කරුණු දැක්වීමට ශ්‍රී ලංකා නිදහස් පක්ෂ මැතිඇමැතිවරු ඉල්ලූ සාකච්ඡාව මේ සතියේදී ලබාදීමට අගමැති රනිල් වික්‍රමසිංහ මහතා තීරණය කර ඇත.ඒ අනුව ශ්‍රී ලංකා නිදහස් පක්ෂ මැතිඇමැතිවරු මේ සතියේදී අගමැති රනිල් වික්‍රමසිංහ පාර්ලිමේන්තුවේදී හමුවනු ඇතැයි දේශපාලන ආරංචි මාර්ග සඳහන් කරයි. පොලිස්පතිවරයා යටතේ පිහිටුවා ඇති මූල්‍ය අපරාධ විමර්ශන කොට්ඨාසය සම්බන්ධයෙන් කරුණු දැක්වීම සඳහා සාකච්ඡාවක් දෙන ලෙස ශ්‍රී ලංකා නිදහස් පක්ෂ මැති ඇමැතිවරු පිරිසක් ඉකුත් සතියේ අගමැතිවරයාගෙන් ඉල්ලා තිබුණි.
ශ්‍රී ලංකා නිදහස් පක්ෂ ඇමැතිවරුන්ගේ ඉල්ලීමට ක්ෂණිකව ප්‍රතිචාර දක්වමින් අගමැතිවරයා මෙම සාකච්ඡාව මේ සතියේදීම දීමට තීරණය කර ඇත.
පොලිස් මූල්‍ය අපරාධ කොට්ඨාසයට විරෝධය දක්වමින් ශ්‍රීලනිප මැති ඇමැතිවරු විවිධ ප්‍රකාශ පසුගිය දිනවල නිකුත් කර තිබුණි.