ගල් අඟුරු නොමැතිව ලබන වසරේ පැය10ක විදුලි කප්පාදුවක් සිදු කිරීමේ අවදානමක් ඇති බවට පළ වූ ප්‍රකාශ අසත්‍ය බව අමාත්‍ය කංචන විජේසේකර පවසයි.
අද (21)දින පැවැති මාධ්‍ය හමුවකදී අමාත්‍යවරයා මේ බව පැවසීය.
අදාළ ප්‍රකාශය සිදුකළ විදුලි ඉන්ජිනේරු සංගමයට එරෙහිව නීතිපතිවරයාගේ උපදෙස් ගෙන නීතිමය සහ විනය ක්‍රියාමාර්ග ගන්නා බව එහිදී ඔහු සඳහන් කළේය.
ගල් අඟුරු ප්‍රමාණවත් නොවන්නේ නම්, ඒ සඳහා විකල්ප බලාගාර ඇති බව අමාත්‍යවරයා වැඩිදුරටත් පැවසීය.
නොරොච්චෝලේ ලක්විජය ගල් අඟුරු බලාගාරයට අවශ්‍ය ගල් අඟුරු දෙසැම්බර් 31 වන දා අවසන් වීම මත එම බලාගාරය සම්පූර්ණයෙන් ම නවතින බව ත් මේ හේතුවෙන් ලබන වසරේ පැය 10කට ආසන්න විදුලි කප්පාදුවකට යාමේ අවදානමක් මතුව ඇති බව ත් ලංකා විදුලිබල මණ්ඩල ඉන්ජිනේරු සංගමය ඊයේ (20)දින ප්‍රකාශ කර තිබිණි.