Colombo Today Local News

මෙවර ජනාධිපතිවරණය ඉතා තීරණාත්මකයි… අපේ ඉල්ලීම් දිනාගැනීමට සජිත් දිනවිය යුතුමයි !

මෙවර ජනාධිපතිවරණය ඉතාමත් තීරණාත්මක වන බැවින් ‍ජනාධිපතිවරණය වර්ජනය කිරීමට දෙමළ ජනතාවට හැකියාවක් නොමැති බව දෙමළ ජාතික සන්ධාන නායක ආර්.සම්බන්ධන් මහතා පවසයි.

ජනාධිපතිවරණය සම්බන්ධයෙන් දෙමළ ජනතාව දැනුවත් කිරීමේ වැඩසටහනකට වවුනියාව නගර සභා ශාලාවේදී ඊයේ (09) එක්වෙමින් සම්බන්ධන් මහතා එලෙස ප්‍රකාශ කර ඇත.

සම්බන්ධන් මහතා එහිදි වැඩිදුරටත් පැවසුවේ දෙමළ ජනතාවගේ ජන්දය මත ජනාධිපතිවරයා තීරණය වන තීරණාත්මක අවස්ථාවක් උදාවි ඇති බවයි.

එබැවින් දෙමළ ජනතාවට මෙවර ජනාධිපතිවරණයේදී ජන්දය ප්‍රකාශ කිරීමෙන් වැළකි සිටීමට හැකියාවක් නොමැති බව ඔහු අවධාරණය කර තිබේ.

දෙමළ ජනතාව 2005වසරේ ජන්දය වර්ජනය කිරීම හේතුවෙන් දෙමළ ජනතාවට මුහුණ දීමට සිදුවු දුක් කරදර සම්බන්ධයෙන් දෙමළ ජනතාවට නැවත මතක් කිරීමට අවශ්‍ය නොමැති අතර, මෙවර ජනාධිපතිවරණය 2005 මැතිවරණයට වඩා තීරණාත්මක වන බව හෙතෙම පැවසුවේය.

සම්බන්ධන් මහතා වැඩිදුරටත් පැවසුවේ දෙමළ ජනතාවගේ අයිතීන් දිනා ගැනීම වෙනුවෙන් මෙවර ජනාධිපතිවරණයේදී දෙමළ ජනතාවට ඇති එකම විසදුම සජිත් ප්‍රේමදාස මහතා ජනාධිපතිකරවීම පමණක් වන බවයි.

එබැවින් සියළු දෙමළ ජනතාව එක්වි සජිත් ප්‍රේමදාස මහතා ජනාධිපති ලෙසට පත් කිරීම උදෙසා සියළුදෙනාම ජන්දය භාවිතා කළ යුතුබවත්, ඒ හරහා දෙමළ ජනතාවගේ ගැටළු විසදා ගැනීමට හැකිවන බවත් වැඩසටහන් අවස්ථාවේදී පැවසුවේය.

එම අවස්ථාවට දෙමළ ජාතික සන්ධාන පාර්ලිමේන්තු මන්ත්‍රීවරුන් වන එම්.ඒ.සුමන්තිරන් මහතා,එස්.ශිවමෝහන් මහතා, චාර්ල්ස් නිර්මලනාදන් මහතා, ශාන්ති ස්කන්ධරාජා මහත්මිය ඇතුළු පිරිසක් එක්ව සිටියහ.

Related posts

සහරාන්ට කඬේ ගිය ටියුෂන් සර් රිමාන්ඩ්… ශිෂ්‍යාවන් වැසිකිළි යන විටත් වීඩියෝ කරලා

colombotoday

කෘෂිකර්ම රාජ්‍ය ඇමති ශෂින්ද්‍ර රාජපක්ෂ ඇතුළු පිරිසක් ඩිෆෙන්ඩර් රථය සමඟ දියේ ගසා ගෙන යයි

colombotoday

අය වැය පරදා මහ ඡන්දයකට යනවා – මහින්ද

colombotoday

අසීලාචාර හැසීරීමට හේතු කියා සනත් නිශාන්ත කථානායකට ලිපියක් ලියයි

Admin

“බලහත්කාරයෙන් එන්නත ලබා දෙන්නේ නෑ. පොදු ස්ථානවලදී එන්නත ගත් බව තහවුරු කිරීම අනිවාර්ය කරනවා.”

colombotoday

විල්පත්තුවේ අනවසර ඉදිකරීම් නවතන්න ගොණුකල පෙත්සමට අධිකරණය ඊයේ දුන් නියෝගය

colombotoday