කොටි ත්‍රස්තවාදීන්ට උදව් උපකාර කල මාධ්‍යවේදියෙකු ලෙස චෝදනා එල්ලවූ දැනට අතුරුදහන් වී සිටින ප්‍රගීත් එක්නැලිගොඩ නමැත්තාගේ බිරිඳට බැන තර්ජනය කළායැයි බොදු බල සේනා සංවිධානයේ මහ ලේකම් රාජකීය පණ්ඩිත ගලගොඩඅත්තේ ඥානසාර හිමිට චෝදනා එල්ලකරමින් හෝමාගම පොලීසියට ඉදිරිපත්වූ පැමිණිල්ලකට අනුව හෝමාගම මහේස්ත්‍රාත් අධිකරණයේ විභාග වූ නඩුවක තීන්දුව පසුගිය වසරේ ප්‍රකාශයට පත්කරමින් මාස 6ක බරපතල වැඩ සහිත සිරදඬුවමක් නියම කිරීමට හෝමාගම මහේස්ත්‍රාත් අධිකරණය නියෝග කරන ලදි.
එම තීන්දුවට එරෙහිව හෝමාගම මහාධිකරණයට ඥානසාර හිමි විසින් අභියාචනයක් ඉදිරිපත් කරන ලද අතර එහි තීන්දුව අද (8) සවස 2ට ලබා දීමට නියමිතව ඇත.