ගව මස්වල පෝෂණ ගුණය පිළිබදව ලිපියක් පළ කිරීම නිසා ඉන්දියාවේ හර්යානා ප්‍රාන්තයේ ප්‍රකාශයට පත්වන සගරාවක කර්තෘවරයාගේ වැඩ තහනම් කර තිබේ. හර්යානා ප්‍රාන්තය තුළ ගවමස් වෙළදාම හෝ අනුභවය නීතියෙත් තහනම් වේ.
මේ අතර පසුගිය දිනක කේරල ප්‍රාන්තයේ රජයේ තානායමක ගව මස් විකිණීම නිසා ප්‍රාන්තය පුරා උණුසුම්කාරි තත්වයක් හට ගැණිනි. ගව ඝාතනයේ යෙදුණු මුස්ලිම් ජාතිකයන් දෙදෙනෙකු මෑතකදී පහරදි මරා දැමීමත් සමග ඉන්දීය දේශපාලනය තුළද ගවමස් සම්බන්ධයෙන් දැඩි ආන්දෝලනයක් හට ගැණුනු අතර ගව ඝාතනය, වෙළදාම සම්බන්ධයෙන් දැඩි නීති පැනවීමට ඉන්දීය රජය තීරණය කර ඇත.
බිලියන එකයි දශම දෙකක් වන ඉන්දීය ජන ගහනයෙන් සියයට අසූවක් වන හින්දු භක්තිකයෝ ගවයා දේවත්වයට සබඳකම් දක්වන සත්වයකු ලෙස සලකති. ගව මස් වෙළඳාම හෝ පරිභෝජනය ඉන්දියාවේ බොහෝ ප්‍රාන්තවල තහනම් කර ඇත.