Colombo Today Local News

අපට ඕනනම් රටම අකර්මන්‍ය කරන්න තිබුණා…

ජනබලය උද්ඝෝෂණයේදී ආර්ථික මර්මස්ථාන කිහිපයක් වටලා රට අකර්මන්‍ය කිරීමට සැලසුම් කර තිබුණු බව පාර්ලිමේන්තු මන්ත්‍රී මහින්දානන්ද අලුත්ගමගේ මහතා පැවසීය.

කටුනායක ගුවන් තොටුපොළ,විදුලි බල මණ්ඩලය,දුම්රිය දෙපාර්තමේන්තුව,සියලු වරායන්,ඛනජ තෙල් නීතීගත සංස්ථාව යන ස්ථානවල කටයුතු අඩපණ කිරීමේ සැලැස්මක් තිබුණු බවද මන්ත්‍රීවරයා සඳහන් කළේය.

ශ්‍රී ලංකා පොදුජන පෙරමුණේ ප්‍රධාන කාර්යාලයේ ඊයේ (06දා) පැවති මාධ්‍ය හමුවකදී අදහස් දක්වමින් ඒ මහතා මේ බව පැවසීය.

එහිදී වැඩිදුරටත් අදහස් දැක්වූ ඒ මහතා,

“ අපිට ඕනනම් එයාර්පෝට් එක වහන්න,විදුලි බල මණ්ඩලය වහලා මුලු රටම කලුවරේ තියන්න, කොච්චි ටික නවත්වන්න, සියලු වරායන් නවත්වන්න තිබුණා.සියලු වෘත්තීය සමිති අපි සමග සාකච්ඡා කරලා තිබුණේ. ඛනිජ තෙල් සංස්ථාවේ වෘත්තිය සමිතිය අපිත් එක්ක ඊයේ බැස්ස නම් එයාර්පෝට් එකට තෙල් නැහැ.

කටුනායක එයාර්පෝට් එකේ වෘත්තීය සමිතිය අපිත් එක්ක බැස්ස නම් ප්ලේන් දුවන් නෑ. අපිට ඒ සඳහා සැලසුම් තිබුණා. නොතිබුණා නොවෙයි. නමුත් අපි ඒවා කළේ නැහැ. ඒවා කරන්න තව කල් තියෙනවා. අපි කිව්වේ කොළඹ වටලනවා කියලා.

අපි කොළඹ වැටලුවා. වෘත්තීය සමිති සියලු දෙනා අපිත් එක්ක එකඟ වුණා තව තව දේවල් කරන්න. අපිට ඕනේනම් තාම ඉන්න තිබුණා”යනුවෙන් පවසා සිටියේය.

 

Related posts

දිස්ත්‍රික්ක කිහිපයක ජල බෙදා හැරීම සීමා කෙරේ…

Admin

අධිකරණයට අපහාස කිරීම: රංජන්ට එරෙහි තවත් නඩුවක් විභාගයට

colombotoday

කල්පිටියේ අටක් ඉන්දිය ආරක්ෂක අංශ අත්අඩංගුවට

Admin

ජවිපෙ ‘ඇවන්ගාඩ්’ ඩැහැගැනීමට අරඅදින මාධ්‍ය මුදලාලිගේ හුරතලෙක්? – හරීන්ගෙන් ඉඟියක් (Video)

colombotoday

පොලිසියට පහර දුන් 6කට වැඩ වරදී. රාජගිරියේදී මාට්ටු

colombotoday

ෆොන්සේකාගෙන් වන්දි ඉල්ලා මුරලිගෙන් එන්තරවාසියක්

colombotoday