ශ්‍රී ලංකාවේ ආරක්ෂක හමුදාව කැබලි නමයකට කඩා පළාත් නවයක කොටස් වශයෙන් ස්ථාපිත කරන ලෙස උතුරු පළාත් මහ ඇමැති සී සී විග්නේෂ්වරන් රජයට යෝජනා කර ඇත
යාපනයේ පැවති රජයේ කාර්යාලයක් විවෘත කිරීමේ උත්සවයේ දී ඔහු මුල්වරට මෙම යෝජනාව හෙළිකර තිබේ .
මෙම යෝජනාව ක්‍රියාත්මක කිරීමෙන් පළාත් නවයට ම හමුදා එකක ලැබෙන බව ද විග්නේෂ්වරන් සඳහන් කර ඇත.
උතුරේ හමුදාව රැඳී සිටීම ද්‍රවිඩ ජනතාව අනුමත නොකරන අතර එම හමුදාව පළාත්වලට යැවීමෙන් අර්බුද විසඳිය හැකි බව ද ඔහු පළ කළේය.
මේ අතර උතුරේ කිසිදු කිසිදු ඉඩමක් උතුරු පළාත් සභාවේ අවසරය රහිතව ආරක්ෂක හමුදාවට නොදෙන බවද පවසන විග්නේෂ්වරන් ඊට අදාළ යෝජනාව ද සම්මත කර ඇත.
උතුරු මහ ඇමති ගේ මෙම ක්‍රියාකලාපය දහතුන්වැනි සංශෝධනය ක්‍රියාත්මක කිරීම බව ආරංචි මාර්ග දක්වයි
– ඉරිදා දිවයින