සෞඛ්‍ය බලධාරීන්ගේ රාජකාරියට බාදා කරමින් තමන්ගේ ලිස්ට් එකකට එන්නත් දෙන්න හැදු මොරටු නගරාධිපතිව පන්නා දැමීමට පොලීසිය කටයුතු කර ඇත.
තමන් විසින් ටෝකන් නිකුත් කළ අයට පමණක් එන්නත ලබා දිය යුතු බව මොරටු නගරාධිපති සමන්ලාල් ප්‍රනාන්දු සෞඛ්‍ය බලධාරීන්ගෙන් ඉල්ලා සිටීමත් සමඟ අද(27) පෙරවරුවේ මොරටුවේදී නොසන්සුන්කාරී වාතාවරණයක් ඇති විය.
ඊට ප්‍රදේශයේ මහජන සෞඛ්‍ය වෛද්‍ය නිලධාරිනිය දැඩි විරෝධයක් දැක්වූ අතර තමාට අවශ්‍ය අයට පමණක් එන්නත ලබා නොදෙන්නේනම් එන්නත් කිරීම සිදුකිරීමට අවස්ථාව ලබා දිය නොහැකි බව පවසමින් නගරාධිපති තර්ජනාත්මක ආකාරයෙන් හැසිරිණි.
එහිදී මහජන සෞඛ්‍ය වෛද්‍ය නිලධාරිනිය පොලිසිය කැඳවු අතර පොලීසිය නගරාධිපතිව දොට්ට දමා එන්නත්කරණයට අවශ්‍ය වාතාවරණය සාදා දෙන ලදි.