ශ්‍රී ලංකා වෛද්‍ය සභාවට සාමාජිකයන් සිව් දෙනෙකු තෝරාගැනීම සදහා ඊයේ 24 පැවැත්වූ නිළවරණයෙන් ‘රජයේ වෛද්‍ය නිලධාරීන්ගේ සංගමය‘ නියෝජනය කරමින් ඉදිරිපත්ව සිටි සාමාජිකයන් සිව් දෙනා වැඩි ඡන්දයෙන් තේරීපත්විය.
ඒ අනුව වෛද්‍ය අනුරුද්ධ පාදෙනිය මහතා ඡන්ද 6254ක් ලබාගනිමින් ශ්‍රී ලංකා වෛද්‍ය සභාවට තේරී පත්ව තිබේ.
ඊට අමතරව වෛද්‍ය නලින්ද හේරත් මහතා ඡන්ද 5676ක් ද වෛද්‍ය හැරීස් පතිරගේ මහතා ඡන්ද 5250ක් ද ලබාගෙන ශ්‍රී ලංකා වෛද්‍ය සභාවට තේරී පත්ව ඇති බව සඳහන්ය.
වෛද්‍ය නවීන්ද සොයිසා මහතා ඡන්ද 5117ක් ලබාගෙන වෛද්‍ය සභාවට තේරී පත්ව ඇත.
මේ අතර නිලවරණය පැවැත්වෙන අතරතුර වෛද්‍ය සභා පරිශ්‍රය අසලදී වෛද්‍යවරුන් දෙදෙනෙකු අතර ගුටිබැට හුවමාරුවක් සිදුවුණු අතර, එම දෙදෙනා මේවන විට රෝහල්ගත කර ඇතැයි පැවසේ.