මහ රජානෝ යුද්දේ දිනුව ඇත්ත. යුද්දෙ දිනුවෙ එයා තනියම නොවෙයි. මහින්ද රාජපක්ෂ මහත්තය එක්ක අපි එදා දස මහා යෝදයො වගේ හිටිය’ යයි ජනාධිපති මෛත‍්‍රිපාල සිරිසේන මහතා පිටකොටුවේ පැවති එක්සත් ජනතා නිදහස් සන්ධාන ප්‍රචාරක රැලියක් අමතමින් පැවසීය.
එහෙත් 2010 මහ මැතිවරණයෙන් පසු මහින්ද රාජපක්ෂ මහතා පුදුමාකාර විදිහට වෙනස් වූ බවත් තමන්ව අමතක කළ බවත් ජනාධිපතිවරයා බකමූණ ප‍්‍රදේශයේ පැවති ජනහමුවක් අමතමින් කියා සිටියේය.
‘2010 මහ මැතිවරණයෙන් පස්සේ මගේ මිත‍්‍ර මහින්ද රාජපක්ෂ මහත්තයා පුදුමාකාර විදිහට වෙනස් වුණා. අපිව අමතක කලා. දස මහා යෝදයන්ට පයින් ගැහුවා. පවුලෙ අය විතරක් සාකච්චා කරල ආණ්ඩු කරන්න පටන් ගත්ත’ යයිද ජනාධිපතිවරයා එහිදි සදහන් කර සිටියේය.