Colombo Today Local News

සීගිරිය, දඹුල්ල සංචාරක කළාපයක් කරයි

සීගරිය, දඹුල්ල, ඉබ්බන්කටුව හා නාමල් උයන අතර සම්බන්ධතාවක් ඇතිකොට සංචාරක කලාපයක් සේ සංවර්ධනය කිරීම කෙරෙහි මධ්‍යම සංස්කෘතික අරමුදලේ අවධානය යොමුව ඇතැයි එහි අධ්‍යක්ෂ ජනරාල් ප්‍රියශාන්ත ගුණවර්ධන මහතා පවසයි.

ඒ,ජාතික නාමල් උයන හා රෝස තිරිවානා නිධියේ මෙහෙයුම් හා නඩත්තු කටයුතු නිල වශයෙන් පවරා දීමෙන් පසුවය.

වාර්ෂිකව සීගිරිය නැරැඹීමට පැමිණෙන ලක්ෂ 6ක් පමණ වූ විදේශීය සංචාරකයන් කේන්ද්‍ර කොට ගනිමින් මේ සැලැසුම ක්‍රියාවට නැන්වෙන බවත් සීගිරිය ආසන්නයේම ඇති මෙවැනි පෞරාණික හා භූ විද්‍යාත්මක වටිනාකමකින් යුත් ස්ථාන මඟහරිමින් අනුරාධපුර, පොළොන්නරුව වැනි ප්‍රදේශ කරා ඇදී යන සංචාරකයන් රෝස තිරිවානා නිධිය නැරැඹීම කෙරෙහි ආකර්ෂණය කර ගැනීම සඳහාද අවධානය යොමුව ඇති බවත් හෙතෙම තවදුරටත් පැවැසීය.

ස්වාභාවික පරිසරය, බෞද්ධාරාම සංකීර්ණය, භූ විද්‍යාත්මක වැදගත්කම ආදී තොරතුරු ඇතුළත් අධ්‍යාපනික මධ්‍යස්ථානයක් ලෙසින්ද ජාතික වශයෙන් වැදගත් වන කෞතුකාගාරයක් ලෙසින්ද මේ ස්ථානය ප්‍රවර්ධනය කිරීමට සැලැසුම් කොට ඇතැයිද අධ්‍යක්ෂ ජනරාල්වරයා තවදුරටත් පැවැසීය.

ජාතික නාමල් උයන හා රෝස තිරිවාණා නිධිය නිරීක්ෂණය කිරීම සඳහා මාධ්‍යවේදීන් පිරිසක් එහි ගිය අවස්ථාවේදී සාකච්ඡාවට එක්වෙමින් අධ්‍යක්ෂ ජනරාල්වරයා මේ බව පැවැසීය.

Related posts

යාපනය, අරසඩිහි අඩියේ සාද දැමූ 5ක් රිමාන්ඩ්.

colombotoday

විනාඩි 4 න් රුපියල් මිලියන 100 ක මගඩිය සිදුවුනේ මෙහෙමයි

colombotoday

චීනයෙන් ලැබුණු ඩීසල් විශේෂ වවුචරයක් මගින් Online ක්‍රමයට අද සිට නිකුත් කෙරේ…

Admin

“මහනුවරට ඉන්ටර්නෙට් කපයි “..ෆේස්බුක් අඩවියටත් වෙනස්කම්, රටේ සාමය රකින්න අන්තර්ජාලයේ සිදුවන සියලු වෙනස්කම් මෙන්න .!

colombotoday

ජාත්‍යන්තර නිරීක්ෂකයන් නැතිව දේශීය පරීක්ෂණ එපා – කොටි නායක රුද්‍රකුමාර්

colombotoday

මහින්දගේ ආරක්ෂක ප්‍රධානියාට එරෙහිව නඩු 4 ක් විභාගයට

colombotoday