භූමදානය ගැන කුර්ආනයේ සඳහන් කර නොමැත යැයි අමාත්‍ය උදය ගම්මන්පිල මහතා විසින් පාර්ලිමේන්තුවේ සිදුකල ප්‍රකාශයට විරුද්ධව සමස්ත ලංකා ජමයතුල් උලමා සංවිධානය දැඩි ස්වරයකින් ලිපියක් යවා තිබෙනවා.
මෙරට සාම්ප්‍රධායික මුස්ලිම් ජනතාව විසින් වහාබි-සලෆි මතධාරියෙකු ලෙස හඳුන්වන සමස්ත ලංකා ජමයතුල් උලමා සභාවේ (වැඩබලන) මහ ලේකම් එම්.එස්.එම් තාසීම් විසින් එම ලිපිය අමාත්‍යවරයාට යොමු කර ඇත.
අදාළ ලිපියේ අවසානයට “විශේෂයෙන් ලොව ප්‍රබල ධර්මයක් වන ඉස්ලාමය ගැන යමක් කියන්නට පෙර ඔබතුමන් මෙයට වඩා ප්‍රවේශම් වන්නට තිබුනි. දැන් ඔබතුමන්ට කරන්නට ඇති එකම දෙය නම් කණගාටුදායක එම ප්‍රකාශ ගෞරවාන්විතව ඉල්ලා අස් කර ගැනීමයි.” යනුවෙන් තර්ජනාත්මක ප්‍රකාශයක් ද අන්තර් ගත කර ඇත.