ශ්‍රී ලංකා සුෆී උලමා සභාවේ සභාපති, ඒ. අබ්දුල් රවුෆ් මිස්බාහි බහ්ජි තුමා ඇතුළු පිරිසක් ඊයේ (21)වැනි දා පෙරවරුවේ දී එක රටක් එක නීතියක් සඳහා වන ජනාධිපති කාර්ය සාධක බලකායේ සභාපති රාජකීය පණ්ඩිත ගලගොඩඅත්තේ ඥානසාර ස්වාමීන්ද්‍රයන් වහන්සේ බැබැහැ දකින ලදි.
එහිදී සිංහල මුස්ලිම් සහ බෞද්ධ ඉස්ලාම් සහජීවනය මෙන්ම ශ්‍රී ලංකාවේ අන්තර් ආගමික සහජීවනය පිළිබඳව ගත යුතු ක්‍රියාමාර්ග ගැන සාකච්ඡා කෙරිණි.
තවද ශ්‍රී ලාංකේය සාම්ප්‍රදායික සුෆි මුස්ලිම් ප්‍රජාවට වහබ්වාදීන්ගෙන් විඳීමට සිදුව තිබෙන ගැහැට ගැන කරුණු ඉදිරිපත් කිරීම සහ ඒ පිළිබඳව ගතයුතු ඉදිරි ක්‍රියාමාර්ග ගැනද මෙහිදී සාකච්ඡා කෙරිණි.
1979 වසරේදී සමස්ත ලංකා ජමයතුල් උලමා සභාව විසින් ශ්‍රී ලංකා සුෆී උලමා සභාවේ සභාපති, ඒ. අබ්දුල් රවුෆ් මිස්බාහි බහ්ජි තුමා සහ ඔහුගේ අනුගාමිකයන් ඉස්ලාමය හැරගිය බවත් ෂරියා නීතිය යටතේ ඔවුන් මරා දැමිය යුතු බවත් සඳහන් කරමින් “ෆත්වා” ආගමික ආඥ්ඥාවක් නිකුත් කර ඇති බවට කරුණු වාර්තා වෙයි.
