සෞඛ්‍ය අමාත්‍යාංශයට අත්‍යවශ්‍ය ඖෂධ මිල දී ගැනීම සඳහා අමෙරිකානු ඩොලර් මිලියන 100ක් කඩිනමින් ලබාදීමට අමාත්‍ය මණ්ඩල අනුමැතිය හිමිව තිබේ.
සෞඛ්‍ය අමාත්‍යවරයා විසින් ඉදිරිපත් කළ යෝජනාවකට එලෙස අමාත්‍ය මණ්ඩල අනුමැතිව හිමිව තිබේ.
අද (13)දින පැවති මාධ්‍ය හමුවට එක්වෙමින් කැබිනට් ප්‍රකාශක, අමාත්‍ය රමේෂ් පතිරණ මේ බව පැවසීය.
ආසියානු යටිතල පහසුකම් ආයෝජන බැංකුවේ අරමුදල් යටතේ ක්‍රියාත්මක කොළඹ නාගරික පුනර්ජීවන ව්‍යාපෘතිය හා ආපදා අවම කිරීමේ ව්‍යාපෘතිය මගින් සැලසෙන අමෙරිකානු ඩොලර් මිලියන 100ක අරමුදල් එලෙස අත්‍යවශ්‍ය ඖෂධ ආනයනය කිරීමට යොදාගැනීමට අනුමැතිය හිමිව තිබේ.
විදේශ විනිමය හිඟතාවය මත එම තීරණය ගත් බව ද අමාත්‍ය රමේෂ් පතිරණ මහතා පැවසීය.