හෝමාගම විවිධ සේවා සමුපකාර සමිතියට අයත්, දියගම මල්ශාලාවේ කළමනාකරු ඇතුළු හත් දෙනෙකුට කොවිඩ් -19 වෛරසය ආසාදනය වී ඇති බව වාර්තා වේ.
ආසාදිතයින් වාර්තා වීමත් සමඟ මල්ශාලව වසා දැමීමට පියවර ගෙන ඇති බව කහතුඩුව පරිපාලන මහජන සෞඛ්‍ය පරීක්ෂක පී. සමරසේකර මහතා පවසයි.
මේ හේතුවෙන් එම මල් ශාලාවේ සේවය කල පුද්ගලයින් දසදෙනෙකු මල් ශාලාව තුලම නිරෝධායනය කිරීමට පියවර ගෙන තිබෙන බව වාර්තා වේ.
මීට දින කීපයකට පෙර මෙම මල්ශාලාවේ කළමනාකාරවරයාට සහ රියදුරුට කොවිඩ් ආසාදන වී ඇති බව හඳුනා ගැනීමත් සමඟ සිදු කළ පි.සි.ආර් පරීක්ෂණයේ දී අනකුත් ආසාදිතයින් හඳුනා ගෙන තිබේ.
මෙම මල්ශාලාවේ සේවකයින් සියලු දෙනා එකම ආරක්ෂිත ඇඳුම් කට්ටලය භාවිතා කරමින් දෛනිකව අවමංගල්‍ය කටයුතු සිදු කර ඇති බවට තොරතුරු අනාවරණය වී තිබේ.