පෞද්ගලික රෝහලකින් හෘද සැත්කමක් සිදුකර ගැනීමේදී වැට් බදු වශයෙන් රුපියල් ලක්ෂයකට අධික බදු මුදලක් ගෙවීමට සිදුව තිබෙන බව පාරිභෝගික අයිතීන් සුරැකීමේ ජාතික ව්‍යාපාරය සඳහන් කරයි.
පෞද්ගලික රෝහල්වල සිදුකරන වෛද්‍ය පර්යේෂණ කටයුතුවලට යොදා තිබෙනා වැට් බද්ද ඉවත් කිරීමට රජය තීරණය කර තිබෙන නිසා සැත්කම් සඳහා අයකරන වැට් බදු මුදලත් වහාම ඉවත් කරන ලෙසද එම සංගමයේ සභාපති රංජිත් විතානගේ මහතා සඳහන් කළේය.
හෘද සැත්කම් සිදුකර ගැනීම සඳහා ජනාධිපති අරමුදලෙන් රුපියල් එක්ලක්ෂ පනස්දහසක මුදලක් ලබාදෙන නමුත් රජය යොදා තිබෙන 15% වැට් බදු මුදල් නිසා රුපියල් ලක්ෂයකට අධික මුදලක් සූක්ෂම ලෙස නැවත ලබාගන්නා බවද පවසා සිටියේය.