ශ්රී ලංකා රූපවාහිනී සංස්ථාවට අනුබද්ධ අභිනව නාලිකාව වන සංහිඳියාවේ නාලිකාව නුදුරේදීම ආරම්භ කිරීමට නියමිත බව වාර්තා වේ. ඊයේ මෙම නාලිකාවට අදාල ගිවිසුම් අත්සන් කළ අතර ජාතික ඒකාබද්ධතා අමාත්යංශය මගින් මුදල් වෙන්කර තිබේ.
2017 අයවැයෙන් සංහිඳියාවේ නාලිකාව සඳහා රුපියල් මිලියන 180 ක් වෙන්කර තිබෙන අතර මේ වනවිට නව නාලිකාව සඳහා අවශ්ය සංඛ්යාත වෙන්කර ඇති බවයි වාර්තා වන්නේ.
රූපවාහිනී සංස්ථා සභාපති රවී ජයවර්ධන මහතා සහ ජාතික එකාබද්ධතා අමාත්යංශයේ ලේකම් වී. සිවඥානසෝති මහතා ගිවිසුමට අත්සන් කළ අතර ගිවිසුමට අත්සන් තැබීම රූපවාහිනී සංස්ථාවේදී සිදුවිය.
මෙම අවස්ථාවට ගයන්ත කරුණාතිලක, රවී කරුණානායක, රංජිත් සියඹලාපිටිය, කරු පරණවිතාන ඇතුළු මැති ඇමතිවරුන් පිරිසක් ද එක්ව සිටියහ.