බියගම රජයේ රෝහලට ඇතුළත් කිරීමෙන් පසුව මියගිය පුද්ගලයා කොරෝනා ආසාදිතයකු බවට තහවුරුවීම මත ඔහුගේ දේහය භාර ගැනීම ඥාතීන් විසින් ප්‍රතික්ෂේප කළහ.
ඒ අනුව එම මෘත දේහය මේ වන විට රාගම මහා රෝහලේ මෘත ශරීරාගාරයේ තබා තිබෙන අතර දින 14 ක් ගතවීමෙන් පසුව එය රජයේ වියදමින් ආදාහනය කිරීමට නියමිතය.
එසේ මියගියේ මල්වානේ උලහිටිවල ප්‍රදේශයේ පදිංචිව සිටි 55 හැවිරිදි දෙදරු පියෙකි.
මොහුට හදිසියේ හටගත් පපුවේ ආබාධයකට බියගම රජයේ රෝහලට ඇතුළත් කිරීමෙන් පසුව මිය ගොස් තිබෙන අතර එහිදී සිදු කළ පී.සී.ආර්. පරීක්ෂණයෙන් ඔහු කොරෝනා ආසාදිතයකු බවට ඉකුත් 31 වැනිදා තහවුරු විණි.