සම්බුදු හිමියන් මිනීමස් වැළදූ බවට සහ බුදු දහමේ කරුණු විකෘති කරමින් අපහාසාත්මක වීඩියෝවක් රටපුරා බෙදාහැරීම සම්බන්ධයෙන් තව්හිද් ජමාත් ඉස්ලාමීය සංවිධානයට එරෙහිව ගොණුකර තිබූ නඩුව නඩුව අද (22) කොළඹ අලුත්කඩේ අධිකරණයේදී විභාගයට ගැණිනි.
අදාළ දේශනයෙන් බුදු දහමට අපහාසයක් සිදුව ඇතිද නැද්ද යන්න මහේස්ත්රාත්වරයා විසින් බෞද්ධ කටයුතු දෙපාර්තමෙන්තුවෙන් විමසා තිබුණු අතර, එමගින් බුදු දහමට හිතාමතා අපහාස කර ඇති බවත්, ජාතීන් අතර අසමගිය ඇතිකිරීමේ අරමුණින් එය සිදුකර ඇති බව පෙනී යන බවත් අතිපූජ්ය දවුල්දෙන ඤාණිස්සර හිමියත් ප්රමුඛ විද්වත් මණ්ඩලයක් විසින් අධිකරණයට දන්වා තිබිණි.
ඉදිරි නිතියමය කටයුතු සදහා නිර්දේශ ලබා ගැනීම සදහා අදාළ වාර්තාව සහ නඩුවේ විමර්ශන ගොනු නීතිපතිවරයාට යොමු කර වසර දෙකක් පමණ ගතවුවත් මේ වන තෙක් නීතිපතිවරයාගේ නිර්දේශ ලැබී නැහැ.
එනිසා නඩුව ලබන ජූනි 28 වන දින යළි කැදවීමට මහේස්ත්රාත්වරයා තීන්දු කළේය.
තව්හිද් ජමාත්, බුදු දහමට අපහාස කළාද නැද්ද? බෞද්ධ කටයුතු දෙපාර්තමේන්තුවේ වාර්තාව මෙන්න