විල්පත්තුව වනෝද්‍යානයට මායිම්ව පිහිටි විලත්තිකුලම් වනාන්තර කලාපයේ වන විනාශය පිළිබඳව විගණාධිපතිවරයාගේ විශේෂ පරීක්ෂණ වාර්තාව අද පාර්ලිමේන්තුවට භාරදීමට නියමිතව තිබේ.
විගණාධිපති ගාමිණී විජේසිංහ මහතා සඳහන් කළේ, විල්පත්තුව වනෝද්‍යාන කලාපයේ වන සංහාරයක් සිදුව ඇති බව මාධ්‍ය මගින් කළ අනාවරණයෙන් අනතුරව මෙම පරීක්ෂණය කළ බව ය.
වනාන්තරය එළි පෙහෙලි කිරීම සඳහා නෛතික පදනමක් තිබුණ ද ඒ සඳහා ක්‍රියාකළ ආයතන හා වගකිව යුතු ආයතන පිළිබඳව මෙම පරීක්ෂණයේදී දීර්ඝ ලෙස අධ්‍යයනය කරනු ඇති.
ඔහු පැවසුවේ වන සංරක්ෂණ දෙපාර්තමේන්තුව, මධ්‍යම පරිසර අධිකාරිය, ප්‍රාදේශීය ලේකම් කාර්යාලය මෙන් ම අදාළ කලාපයේ ඉදිකිරීම් සඳහා යටිතල පහසුකම් සැපයූ ආයතන පිළිබඳව ද මෙම පරීක්ෂණයේදී අධ්‍යයනය කළ බව ඔහු පැවසුවේ ය.
විගණකාධිපති ගාමිණී විජේසිංහ මහතා සඳහන් කළේ, ඒ අනුව ඉදිකිරීම් සඳහා විදුලි බලය ලබා දුන් ලංකා විදුලි බල මණ්ඩලය, ජල පහසුකම් ලබාදුන් ජල සම්පාදන මණ්ඩලය පිළිබඳව ද විමර්ශනය කළ බවයි.