යෝජිත නව ව්‍යවස්ථාවෙන් බුද්ධාගමට හිමි ප්‍රමුඛස්ථානය අහෝසි නොකරන්නේ යැයි ආණ්ඩුව විසින් මහා නාහිමිවරුන්ට ලබා දුන් ප්‍රතිඥාව කඩකර ඇතැයි ජාතික ඒකාබද්ධතා කමිටුව පවසයි.
කොළඹදී පැවති මාධ්‍ය හමුවක් අමතමින් එම සංවිධානය මේ බව කියා සිටියේය.
ආණ්ඩුව විසින් ඉදිරිපත් කර ඇති නව ව්‍යවස්ථා කෙටුම්පතේ බුද්ධාගම සම්බන්ධයෙන් විකල්ප යෝජනා 7ක් ඉදිරිපත් කර ඇති බවත්, එමගින් බුද්ධාගමට හිමි ප්‍රමුඛස්ථානය වෙනස් කිරීමට යෝජනා වී ඇති බවත් එහිදී අදහස් දක්වමින් නීතීඥ මනෝහර සිල්වා මහතා කරුණු පැහැදිළි කළේය.