සිදුකීරීමට නියමිත කැබිනට් සංශෝධනය සහ ආණ්ඩුවේ ඉහළ තනතුරු මාරුව සම්බන්ධයෙන් ජනාධිපතිවරයා දක්වන අදහස්වලට අග්‍රාමාත්‍යවරයා දැඩි ප්‍රතිචාර දක්වා ඇති බවට වාර්තා වනවා.
පසුගිය කාලය පුරාම ජනාධිපතිවරයා තමන් මුණගැසුණු පාර්ශව සමග රජයේ ඇතැම් පුද්ගලයන්ගේ ක්‍රියාකලාපය පිළිබදව දැඩි තීන්දුවක් ගන්නා බවත්, ඉහළපෙලේ තනතුරුවල වෙනසක් සිදු කරන බවත් ප්‍රකාශ කර ඇත. මේ සතියේ කොළඹ කොටුව ජනාධිපති මන්දිරයේදී මාධ්‍ය ප්‍රධානින් මුණගැසී ජනාධිපතිවරයා පැවසුවේ ලබන වෙසක් පෝයට කලින් ආණ්ඩුවේ තනතුරු ගනනාවක වෙනසක් සිදු වන බවයි.
තවද ජනාධිපතිවරයාගේ මැදිහත් වීමක් මත ලේක්හවුස් ආයතනයට නව සභාපති ඇතුළු අධ්‍යක්ෂවරුන් පත් කිරීමට ගත් උත්සහය අනුව එහි වර්තමාන සභාපති අමාත්‍ය සාගල රත්නායක මහතාගේ සහෝදරයකු වන කාවන් රත්නායක මේ වනවිටත් එම තනතුරින් ඉවත් වීමට තීරණය කොට ඇති බැව් අගමැතිවරයා වෙත දැනුම් දී ඇත.
මේ සියලු කටයුතු සම්බන්ධව ඉතා උපායශීලීව මෙන්ම දැඩිව ක්‍රියාත්මක වීමට අවශ්‍ය තීරණයන් මේ වනවිටත් එජාපය තුල අරගනිමින් සිටින අගමැතිවරයා අවශ්‍ය අවස්ථාවේදි නිසියාකාරව ප්‍රතිචාර දක්වනු ඇතයි පැවසේ.