ආර්ථිකය හොදින් කළමනාකරණය කරගැනීමට හැකියාව ඇත්නම්, හම්බන්තොට වරාය චීනයට බදු දීමට අවශ්‍ය නොවන බව ශ්‍රීලනිප මාධ්‍ය ප්‍රකාශක, රාජ්‍ය ඇමති ඩිලාන් පෙරේරා මහතා පවසයි.
ආර්ථික කළමනාකරණය අතින් රාජපක්ෂ ආණ්ඩුව ධන, බවත් වත්මන් යහපාලන ආණ්ඩුවේ හැකියාව සෘණ තත්ත්වයෙ පවතින බවත් පවසන ඇමතිවරයා, ආර්ථකය ධන තත්ත්වයෙන් පවත්වාගෙන ගියත් පසුගිය ආණ්ඩුව පරාජයට පත්වූයේ තනි මතයට වැඩ කිරීමට ගිය නිසා බවද හෙතෙම පවසයි.
“ආණ්ඩුවේ තිබුණු නිවැරදි ආර්ථික ක්‍රමවේදයකට මේ ආණ්ඩුවේ ඉන්න ආර්ථික උපදේශකයන්ගෙන් උපදෙස් ලැබෙන්නේ නෑ. විශේෂයෙන් අගමැතිතුමාගේ ආර්ථික උපදේශකයන් බොහෝ දෙනෙකුගේ කකුල් තියෙන්නේ මහපොළොවේ නෙමෙයි අහසේ. පාස්කරලිංගම් මහත්තයා ගත්තත්, චරිත රත්වත්තේ මහත්තයා ගත්තත් ඉතාම හොඳ බුද්ධිමතුන්. නමුත් ඔවුන්ගේ කකුල් තියෙන්නේ අහසේ. තුන්වැනි කාරණය තමයි ආර්ථිකය ආපස්සට යන්න සිදුවුණේ වංචා හා දූෂණ නිසා. ගිය ආණ්ඩුවෙත් තිබ්බා. ඒත් මේ ආණ්ඩුවේ බැඳුම්කර චෝදනාව වගේ ගැන බලද්දි ආර්ථිකය ආපස්සට යන්න හේතුවෙලා තියෙනවා“ යැයිද හෙතෙම පවසයි.
අමාත්‍යවරයා මේ අදහස් පල කළේ සති අන්ත පුවත්පතක් සමග සම්මුඛ සාකච්ඡාවකට එක්වෙමිනි.