කොරෝනාවට දේශීය ඔසුවක් සොයාගත් බව කියන ඩී.එම්. ධම්මික බණ්ඩාර මහතාගෙන් ඖෂධය ලබා ගැනීමට මේවන විට විශාල පිරිසක් පැමිණෙමින් සිටින බව වාර්තා වේ.
කෑගල්ලේ, හෙට්ටිමුල්ලේ, උඩුමාගම පිහිටි ඩී.එම්. ධම්මික බණ්ඩාර මහතාගේ නිවසට විශාල පිරිසක් පැමිණීමෙන් එම ප්‍රදේශයේ මාර්ග අවහිර වී ඇතැයිද ආරංචි මාර්ග පවසයි.
අදාළ ඖෂධය ඔහුගෙන් ලබා ගැනීම සඳහා මෙලෙස රැස්ව සිටින ජනතාව පාලනය කිරීමට පොලිස් නිලධාරීන් යොදා ඇති බවද වාර්තා වේ.
ඒ මහතාගේ නිවසට පැමිණ ඇති අති විශාල ජනතාව රැස්ව ඇති ඡායාරූප කිහිපයක් මේ වන විට සමාජ මාධ්‍ය ජාලා වල හුවමාරු වෙමින් තිබෙනවා.
දිවයිනේ විවිධ ප්‍රදේශ වලින් මෙලෙස ඒ මහතා ජීවත්වන උඩුමාගම ප්‍රදේශයට පැමිණෙන ඇති විශාල ජනතාව හේතුවෙන් එම ප්‍රදේශයේ ජනතාව අතරත් කොරෝනා වෛරසය ව්‍යාප්තවීමේ අවධානමක් ඇතිව තිබෙන බවට ප්‍රදේශවාසින් චෝදනා කරනවා.