දොම්පෙ ප්‍රාදේශීය සභාවේ නව සභාපති කාරියප්පෙරුමගේ පියසේන මහතා අග්‍රාමාත්‍ය මහින්ද රාජපක්ෂ මහතාගේ ඉදිරියේ දිවුරුම් දී තිබේ.
අද (29)දින විජේරාම පිහිටි නිල නිවසේ දී මෙම දිවුරුම් දීමේ අවස්ථාව පැවැත් වු බව අග්‍රාමාත්‍ය මාධ්‍ය ඒකකය නිවේදනය කරයි.
දොම්පෙ ප්‍රාදේශීය සභාවේ හිටපු සභාපති මිලාන් ජයතිලක මහතා පසුගිය මහ මැතිවරණයෙන් පාර්ලිමේන්තුවට තේරී පත්වීමෙන් ඇතිවූ පුරප්පාඩුවට මෙලෙස කාරියප්පෙරුමගේ පියසේන මහතා පත්කෙරිණි.
මෙම අවස්ථාවට රාජ්‍ය අමාත්‍ය සනත් නිශාන්ත, පාර්ලිමේන්තු මන්ත්‍රී මිලාන් ජයතිලක මහත්වරු ඇතුළු පිරිසක් එක්ව සිටියහ.
මේ අතර, ශ්‍රී ලංකා විශ්වවිද්‍යාල ලිපිකරු, කළමනාකරණ සහකාර, කාර්මික සේවා සංගමය කොවිඩ් අරමුදල සඳහා රුපියල් මිලියන 1.28ක මුදලක් අග්‍රාමාත්‍ය මහින්ද රාජපක්ෂ මහතාට අද(29) දිනයේ දී ප්‍රදානය කර තිබේ.