Colombo Today Local News

උපරිමාධිකරණ සංකීර්ණයේ ගින්න : දුම්වැටියකින් ඇති වූ බවට වන මතය බැහැර කළ නොහැකි

කොළඹ උපරිමාධිකරණ සංකීර්ණයේ ඇතිවූ ගින්න භාවිතයෙන් පසු ඉවත් කරන ලද දුම්වැටියකින් ඇති වූ බවට වන මතය බැහැර කළ නොහැකි බව, රජයේ රස පරීක්ෂක වාර්තාව පෙන්වා දී තිබේ.

පොලීසිය ප්‍රකාශ කළේ, අදාළ ගින්න ඉන්ධන යෙදීමකින් හෝ විදුලි කාන්දුවකින් සිදුවී නොමැති බවට තහවුරු වන බව, රස පරික්ෂක වාර්තාවේ සඳහන් බවයි.

දැනට සිදුකර ඇති විමර්ශනවලදී අනාවරණ වී ඇත්තේ, උපරිමාධිකරණ සංකීර්ණයේ සේවයේ නියුතු සුළු සේවකයින් කිහිපදෙනෙකු අදාළ පරිශ්‍රයේ රහසිගතව දුම්වැටි පානය කර ඇති බවයි.

පොලීසිය පෙන්වා දෙන්නේ, ගින්න ඇතිවීමට බලපෑ බව කියන දුම්වැටි පානය කළ පුද්ගලයා කවුරුන්ද යන්න දීර්ඝ ලෙස විමර්ශනය කරන බවය.

මේ වනවිට අදාළ සිද්ධිය සම්බන්ධයෙන්, අපරාධ පරික්ෂණ දෙපාර්තමේන්තුවේ කණ්ඩායම් 3ක් මගින් විමර්ශන ක්‍රියාත්මක වේ.

දැනට අනාවරණ වී ඇති කරුණු සහ රස පරීක්ෂක වාර්තාවේ කරුණු පිළිබඳ අධිකරණයට කරුණු වාර්තා කර ඇති බව, පොලීසිය ප්‍රකාශ කළේය.

පසුගිය 15 වැනිදා මෙම ගින්න හටගත්තේ ගොඩනැගිල්ලේ බිම් මහලේ අබලි ද්‍රව්‍ය රැස්කර තිබූ ගබඩාවකයි.

ගින්නෙන් එම ගබඩාවට හැර ලේඛනාගාරයට හෝ වෙනත් දේපොළකට හානි සිදුව නොමැත.

Related posts

පොහොට්ටුවේ නායකයා මහින්දයි – ජී.එල්. කියයි

colombotoday

රට කෑලි හතරකට කඩන බව ජිනීවා ගිය ශිවාජිලිංගම් පවසයි…

colombotoday

මිනුවන්ගොඩ පොකුරේ තවත් 145කට කොවිඩ් – 97ක් ආශ්‍රිතයින්

colombotoday

රටට අවශ්‍ය දරදඩු පාලකයෙක්ද ? – රට්ටු කියන කතා මෙන්න (Video)

colombotoday

මහ රෑ පෙම්වතිය හමුවන්න ගිය සිසුවා විදුලි රැහැනක පැටලී කුඹුරකදී ජීවිතක්ෂයට | පෙම්වතියටත් කරන්ට් වැදිලා

colombotoday

වසර දෙකහමාර තුළ 31,000කට ද්විත්ව පුරවැසිභාවය !

colombotoday