ගර්භණී සහ කිරිදෙන මවුවරුන්ට ලබාදුන් පෝෂණ මල්ල මාස කිහිපයක සිට විධිමත් ලෙස ලබා නොදෙන බවත් මේ මාසයට අදාළව ලංකාවේ කිසිදු ස්ථානයක පෝෂණ මල්ල ලබාදී නොමැති බවත් සමස්ත ලංකා පවුල් සෞඛ්ය සේවා නිලධාරීන්ගේ සංගමය සඳහන් කරයි.
පවුල් සෞඛ්ය සේවා නිලධාරීන්ගේ නිර්දේශය මත ප්රාදේශීය ලේකම් කාර්යාල හරහා ගර්භණී මවකට ගර්භණී සමයේදී මාස 5කුත් කිරිදෙන සමයේදී මාස 5කුත් වශයෙන් මෙම පෝෂණ මල්ල ලබාදෙන බව පැවැසූ එම සංගමයේ සභාපති දීප්ති ජයතුංග මහත්මිය මේ බව ප්රකාශ කළාය.
කෙසේ වෙතත් පෝෂණ මල්ල ලබාදීම නිසි පරිදි සිදු නොවන බවත් මේ වසරට අදාළව කිසිදු ස්ථානයක පෝෂණ මල්ල ලබාදී නොමැති බවත් ඇය පවසා සිටියාය. ගර්භණී සහ කිරිදෙන සමයේදී මවගේ පෝෂණය ඉහළ නැංවීම සඳහා මෙම පෝෂණ මල්ල ලබාදෙන බවට ආණ්ඩුව සඳහන් කිරීම නිසා ගැබිනි හා කිරි දෙන මවුවරුන් පෝෂණ මල්ල ලබාගැනීමට ප්රාදේශීය ලේකම් කාර්යාලය තුළ දින ගණනක් රස්තියාදු වන බවද දීප්ති ජයතුංග මහත්මිය සඳහන් කළාය.