රිෂාඩ් බදියුදීන්ගේ නිවසේ සේවය කළ තවත් තරුණියන් 8 දෙනෙකු කිසියම් කුට්ටනයකට, ලිංගික අතවරයකට හෝ වෙනයම් පහරදීම්වලට, අඩන්තේට්ටම්වලට ලක්වී ඇත්දැයි සෙවීම සඳහා පොලිස්පතිවරයා විසින් ප්‍රධාන පොලිස් පරීක්ෂක වරුණි බෝගහවත්ත ඇතුළු කණ්ඩායමක් ඊයේ (25)දින මෙම තරුණියන් පදිංචි ප්‍රදේශවලට පිටත් කර යැවීමට නියමිතව තිබූ බව වාර්තා වේ.
වරුණි බෝගහවත්ත මහත්මිය මාතර කොට්ඨාස ළමා හා කාන්තා කාර්යාංශයේ ස්ථානාධිපතිවරිය ලෙස රාජකාරි කරමින් සිටියදී මෙම විමර්ශන සඳහා කොළඹට කැඳවා තිබේ.
ඇය සමග මාතර ළමා හා කාන්තා අපරාධ විමර්ශන අංශයේ නිලධාරිනියන් හා නිලධාරීන් කිහිපදෙනකුද කොළඹට පැමිණ දැරිය සම්බන්ධ විමර්ශනවලට එකතු වී ඇති බවත් මෙම කණ්ඩායම කොළඹ දකුණ කොට්ඨාස ළමා හා කාන්තා කාර්යාංශයේ නිලධාරීන්ද සමග එක්වී මෙම දැරියන් 8 දෙනාගේ හා ඔවුන්ගේ මවුපියන්ගේ ප්‍රකාශ සටහන් කර ගැනීමට නියමිත බද ද වාර්තාවේ.
වරුණි බෝගහවත්ත මහත්මියගේ සේවය පිළිබඳව පසුගිය කාලයේ සමාජය තුළ දැඩි කතාබහක් නිර්මාණය වී තිබූ අතර ඇය කරන ලද විමර්ශන රැසක්ම ප්‍රසාදයට ලක් වුණි.