World

පූටීන්ගේ සමීප හිතවතෙක් ඇමරිකානු රාජ්‍ය ලේකම් ධුරයට පත්වෙයි

32632hghgඑක්සන් මොබීල් ඛණිජ තෙල් සමාගමේ ප්‍රධානී රෙක්ස් ටිලර්සන් සිය පරිපාලනයේ රාජ්‍ය ලේකම් පදවියට පත් කරන බව ඇමෙරිකානු ජනපති පදවියට පත්කරන තේරී පත් වී සිටින ඩොනල්ඩ් ට්‍රම්ප් සනාථ කළේය.

64 හැවිරිදි රෙක්ස් ටිලර්සන් ලොව ‘ඉතාමත් සාර්ථක ව්‍යාපාරික නායකයකු’ බව ඩොනල්ඩ් ට්‍රම්ප් නිවේදනයක් නිකුත් කරමින් පවසා තිබේ.

ඔහු රුසියාවේ ජනාධිපති ව්ලදිමීර් පූතින් සමඟ සමීප සම්බන්ධතා පවත්වන බව විශ්වාස කෙරෙන අතර, ඒ පිළිබඳව ඇතැම් රිපබ්ලිකන් නායකයෝ ප්‍රබල අවධානය පළ කරති.

ඔහු රාජ්‍ය ලේකම් පදවියට පත්කිරීම ඇමෙරිකානු සෙනෙට් සභාව විසින් අනුමත කළයුතුව තිබේ.

රාජ්‍ය ලේකම් පදවියට නම් කිරීම තමන්ට ගෞරවයක් බව පවසන රෙක්ස් ටිලර්සන්, ‘ඇමෙරිකා එක්සත් ජනපදය පිළිබඳ ජාත්‍යන්තර ප්‍රතිරූපය යළි ගොඩනැංවීම සහ ඇමෙරිකාවේ ජාතික ආරක්ෂාව සහතික කිරීමේ’ ඩොනල්ඩ් ට්‍රම්ප් ගේ දර්ශනය තමා අනුමත කරන බවත් සඳහන් කළේය.

ඇමරිකානු ජනාධිපතිවරණයේදී ඩොනල්ඩ් ට්‍රම්ප්ට සහය පළ කිරීම පිණිස ඡන්දදායකයන් පොළඹවා ගැනීම පිණිස රුසියාව මැදිහත්වූ බව ඇමරිකානු රහස් ඔත්තුසේවා සහ නීතිය ක්‍රියාත්මක කිරීමේ ආයතන මගින් සනාථ කර තිබේ.

එහෙත් එම ආයතනවල වාර්තාව ඩොනල්ඩ් ට්‍රම්ප් ප්‍රතික්ෂේප කළේය.

(බිබිසි සංදේශය)

Related posts

රජ පවුලේ නිල වෙබ් අඩවියට සයිබර් ප්‍රහාරයක්

Admin

ජර්මනියේ වෑන් ප්‍රහාරයක්.. වෑන් රථයක් පදිකයන් මතට කඩා වදී.. පුද්ගල මරණ සහ තුවාල සිදුවීම්

colombotoday

ප්‍රහාරක ජෙට් යානයක් යවා මගී ගුවන් යානයක් බස්සවාගෙන, ජනාධිපතිට විරුද්ධ මාධ්‍යවේදියෙකු අත්අඩංගුවට ගනියි.

colombotoday

Zika ලොව කළඹයි… ලෝකය පුරා හදිසි ආපදා තත්ත්වයක්… ලංකාවත් සූදානම්

colombotoday

තායිවානය වෙනුවෙන් බයිඩ්න්ගෙන් චීනයට අනතුරු ඇඟවීමක්

colombotoday

කුවේටය සම්පුර්ණයෙන් වසා දැමීමට තීරණයක්

colombotoday