සෞදි අරාබියට බලපා ඇති ආර්ථික අර්බුදයත් සමග කර්මාන්තශාලාවල සේවය කරන විදෙස් ශ්රමිකයන්ට රැකියා අහිමි වීමේ ප්රවණතාවයක් මතුව ඇතැයි ශ්රී ලංකා විදේශ සේවා නියුක්ති කාර්යංශය පවසයි.
ලාංකික ශ්රමිකයන් සේවය කරන කර්මාන්තශාලා දෙකක් මේ වනවිට මෙම අර්බුදයට මුහුණ පා ඇතැයිද සෞදියේ රියාද් හි සාඩ් සමාගමේ සේවය කළ ලාංකිකයන් 12 දෙනකුට හා රියාද් හී පිහිටි සෞදි ඕජර් සමාගමේ ශ්රි ලංකා ශ්රමිකයින් 100ක් පමණ පිරිසක්ට රැකියා අහිමි වී ඇතැයිද එම කාරයංශයේ ක්රියාකාරී අධ්යක්ෂ උපුල් දේශප්රිය මහතා කියයි.
ඔවුනට ආහාර ඇතුළු පහසුකම් නොලැබෙන බව වාර්තා වූ බවත් ඒ පිළිබඳ සොයා බලා වහාම ඔවුනට ආහාර ලබා දීම සඳහා තානාපති කාර්යාලය මගින් මුදල් ලබා දීමට පියවර ගෙන ඇති බවත් දේශප්රිය මහතා සඳහන් කරයි.
එසේම මෙම සමාගම මගින් වැටුප් නොගෙවීම සම්බන්ධයෙන්ද අවශ්ය නීතිමය පියවර ගනිමින් සිටින බවත් එම කටයුතු අවසන් වූ පසුව මොවුන් ශ්රී ලංකාවට ගෙන්වීමට පියවර ගන්නා බවත් ඒ මහතා සඳහන් කරයි.
සෞදි අරාබිය බලපා ඇති මෙම ආර්ථිකය තවදුරටත් උත්සන්න වුවහොත් බොරතෙල් බැරලයක මිලද පහත බැසීමේ ඉඩ ඇතැයිද ඒජන්සිවාර්තා සඳහන් කරයි.