චාවකච්චේරි ප්‍රදේශයේ නිවසක තිබී සොයාගත් මරාගෙන මැරෙන ඇදුම් කට්ටලය සහ පුපුරණ ද්‍රව්‍ය තොගය පිළිබදව හිටපු අමාත්‍ය මහාචාර්ය ජී.එල්. පීරිස් මහතා කළ ප්‍රකාශය පිළිබදව ඔහුගෙන් ප්‍රශ්න කරන බව රජය පවසයි.
ආරක්ෂක ලේකම් කරුණාසේන හෙට්ටිආරච්චි මහතා අද (31) පෙරවරුවේ පැවති කැබිනට් තීරණ දැනුම්දීමේ මාධ්‍ය හමුවට සහභාගී වෙමින් පැවසුවේ පොලීසිය ඉදිරි දිනකදී අදාළ ප්‍රශ්න කිරීම සිදු කරනු ඇති බවයි.
ඊයේ මාධ්‍ය හමුවක් අමතමින් ජීල් පීරිස් මහතා ප්‍රකාශ කර තිබුණේ අදාල සිදුවීම පිළිබදව සත්‍ය රටට හෙළි කිරීමට රජය කටයුතු කළ යුතු බවත් එම ආයුධ තොගය වැල්ලවත්ත ප්‍රදේශයට ගෙන ඒමට සූදානම් කර තිබූ ඒවාදැයි රජය ප්‍රකාශ කළ යුතු බවත්ය.