රථවාහන වැරදි සඳහා වන අවම දඩය රුපියල් 2500 දක්වා වැඩි කිරීමට මෙවර අයවැයෙන් ඉදිරිපත් කල යෝජනාව කිසිවිටක සංශෝධනය නොකරන බව මුදල් අමාත්‍ය රවී කරුණානායක මහතා පවසනවා.
නිවේදනයක් නිකුත් කරමින් අමාත්‍යවරයා සදහන් කලේ අයවැයට පෙර ලැබුණු අදහස් රැසක් සැලකිල්ලට ගෙන මෙම යෝජනාව ඉදිරිපත් කර ඇති බවයි. නොසැලිකිලිමත් රිය ධාවනය හේතුවෙන් සිදූවන ජීවිත හානීය අවම කරගැනීම සහ නීතිය නිවරදිව ක්‍රීයාත්මක කිරිමද මෙහි මුලික අරමුණක් බවයි අමාත්‍යවරයා පෙන්වා දෙන්නේ.
මේ සම්බන්ධයෙන් පෞද්ගලික බස් හිමියන් දක්වන විරෝධය කිසිවිටකත් සධාරණ නොවන බව රවී කරුණානායක මහතා ප්‍රකාශ කරනවා.