යාපනය නගරය තුළ සියළුම සුරාසැල් වසාදැමීමට යාපනය දිසාපති එන් මේදනායගන් විසින් නියෝග කර ඇති බව යාපනයේ ප්‍රසිද්ධ කෙරෙන දිනපතා පුවත්පතක් වන වාලම්පුරි පුවත්පත අද (10) වාර්තා කර තිබේ.
ඊට සමගාමීව නගරය තුළ දුම්වැටි අළෙවි කිරිම ද තහනම් කර ඇති බව ද එහි සදහන්.
“මතින් නිදහස් රටක්“ මත්ද්‍රව්‍ය නිවාරණ ජාතික වැඩසටහනට එක්වෙමින් ජනාධිපති මෛත්‍රීපාල සිරිසේන මහතා ඊයේ යාපනයේදී ප්‍රකාශ කර තිබුණේ යුධ ගැටුම්වලින් නිදහස් වූ උතුරේ වර්තමානයේ ඇති බරපතළම සමාජ උවදුර බවට මත්ද්‍රව්‍ය පත්වී ඇති බවයි. රජයට වැඩිම මත්පැන් ආදායම ලැබෙන්නේ යාපනය දිස්ත්‍රික්කයෙන් බවද ජනපතිවරයා එහිදී සදහන් කර තිබිණි.