එක්ස්ප්‍රස් පර්ල් නෞකාව ගිනිගෙන මුහුදුබත් වීමේ සිදුවීමේ සිට මුහුදු සත්ත්වයින්ගේ සිරුරු වෙරළට ගොඩ ගැසීම සුලබ සිද්ධියක් බවට පත් ව ඇත.
අද(24)දින උදෑසන රත්මලාන මුහුදු වෙරළට මියගිය කැස්බෑවුන් දෙදෙනකුගේ සිරුරු ගොඩ ගසා තිබුණි.
පසුගිය දින කිහිපයේ මියගිය කැස්බෑවුන් කිහිපදෙනෙකු ගොඩගසා තිබූ ගල්කිස්ස වෙරළට ද කැස්බෑවකු ගොඩගසා තිබේ.
කිලෝ 40 ට ආසන්න බරකින් යුත් තවත් කැස්බෑවකු අද ගොඩගසා තිබුණේ, කටුකුරුන්ද වෙරළ තීරයටයි.
මේ අතර අඟුලාන, බහිනතොටපුර ප්‍රදේශයට ද අද උදෑසන කැස්බෑ සිරුරක් ගොඩගසා තිබුණි.