මහනුවර සිටි කොළඹ, හම්බන්තොට, වැල්ලවාය හරහා හම්බන්තොට දක්වා සංවර්ධන කොරිඩෝවක් ඇති කරන බව අගමැති රනිල් වික්‍රමසිංහ මහතා පවසයි.
ඒ මහතා මේ බව ප්‍රකාශ කර සි‍ටියේ අද (31) බත්තරමුල්ල සුහුරුපායේදී පැවැති ලෝක නගර දිනය– (World Cities Day) සැමරුම් උත්සවයේදීය.
විශාලතම දියුණුව ඇති වන්නේ එම සංවර්ධන තීරුව පදනම් කරගෙනයි. ඒ වැඩකටයුත්ත සිදු කිරීමට නම් අපේ ආර්ථිකය වෙනස් විය යුතුයි. නව සංචාරක ව්‍යාපාර ඇති විය යුතුයි. නව කර්මාන්ත, ඩිජිටල් ව්‍යාපාර සියල්ලෙහිම දියුණුවක් ලැබිය යුතුයි. වසර 20 ක් ඇතුළත මේ දියුණුව ශ්‍රී ලංකාවේ ඇති කිරීම අපගේ අරමුණයි. අපට ඒ සඳහා අවස්ථාව ලැබී තිබෙනවා. අප නොසිතූ ආකාරයකට ඉදිරියේදී මේ දියුණුව අත්කර ගැනීමට හැකි වේවි. යැයි අගමැතිවරයා එහිදී පැවසීය.
එමෙන්ම අධික ණයබර හේතුවෙන් හම්බන්තොට වරාය සහ මත්තල ගුවන්තොටුපොළ ඉදිරියට පවත්වාගෙන යෑම සම්බන්ධයෙන් ගැටළුවක් මතුවූ බවත් ඒ සම්බන්ධයෙන් චීන රජය සමග සාකච්ඡා කර, චීන සමාගම් දෙකකට වරාය සහ ගුවන්තොටුපල බදු දීමට එකවූ බවත්, ඒ හරහා විශාල මුදලක් ඉතිරි කරගැනීමට හැකිවූ බවත් අගමැතිවරයා පැවසිය.