වසර මැද මූල්‍ය තත්වය(2023)වාර්තාව පිළිබඳ සභාව කල්තබන අවස්ථාවේ විවාදය පාර්ලිමේන්තුවේදී හෙට (8)දින පැවැත්වෙයි.
ආණ්ඩු පක්ෂය විසින් මෙම යෝජනාව ඉදිරිපත් කරනු ලබයි.
මේ අතර ඔට්ටු ඇල්ලීම සහ සූදු බදු (සංශෝධන) පනත් කෙටුම්පත දෙවැනිවර කියවීමේ විවාදය අනිදදා (9)දින පැවැත්වෙන බව පාර්ලිමේන්තුවේ මහලේකම් නීතිඥ කුෂානි රෝහණදීර මහත්මිය පැවසුවාය.
වර්තමානයේ වතු ප්‍රජාව මුහුණදෙන සමාජ-ආර්ථික ගැටලු පිළිබඳ කල් තැබීමේ විවාදය 10 දා පැවැත්වීමට නියමිතය.
පාර්ලිමේන්තුව හෙට (8)දිනයේ සිට ලබන 11වැනිදා දක්වා රැස්වීමට පාර්ලිමේන්තු කටයුතු පිළිබඳ කාරක සභාව තීරණය කළේය.
පාර්ලිමේන්තුව රැස්වන සෑම දිනකම පෙ.ව 9.30 – පෙ.ව 10.30 කාලය වාචික පිළිතුරු අපේක්ෂා කරන ප්‍රශ්න සදහා වෙන්කර ඇතැයි පාර්ලිමේන්තු මහ ලේකම්වරිය සඳහන් කළාය.