ඉන්දියානු රුපියල ලංකාවේ සංසරණය වීමට ඇති හැකියාව පිළිබඳව සොයා බලන බව ජනාධිපති රනිල් වික්‍රමසිංහ මහතා පවසයි.
ඉන්දියාවේ රුපියල පමණක් නොව ඩොලර් පවා සංසරණය වෙනවා නම් එය මෙරට ආර්ථිකයට ඉතාම වැදගත් වෙන බව ජනාධිපතිවරයා කියයි.
රටක් දියුණු වීමට නම් ලෝකයට විවෘත විය යුතු බව කී ජනාධිපතිවරයා ඊට අදාළ කඩිනම් නීති ප්‍රතිසංස්කරණ ගෙන එන බව සඳහන් කළේය.
ජනාධිපති රනිල් වික්‍රමසිංහ මහතා මේ බව පැවසූවේ කොළඹ ටාජ් සමුද්‍රා හෝටලයේ පැවති ඉන්දීය ව්‍යාපාරික හමුවේ ප්‍රධාන ආරාධිතයා ලෙස එක්වෙමිනි.