ඊයේ (26) දා පැවති කොලොන්නාව තෙල් ගබඩා සංකීර්ණයේ ඇතිවූ උණුසුම්කාරී අවස්ථාවේ ඛණිජතෙල් සංස්ථාවේ සේවකයන්ට පොලු මුගුරු අතැතිව පහර දුන් මැරයන්ගේ ඡායාරූප සමාජ ජාලාවල පලවී තිබෙනවා.
බොහෝ දෙනෙකු අදහස් දක්වමින් ප්‍රකාශ කර ඇත්තේ මෙම පුද්ගලයන් කොලොන්නාව ප්‍රදේශයේ මැර ක්‍රියාවලට සම්බන්ධ අයවලුන් බවයි. මොවුන් එක්සත් ජාතික පක්ෂ පාර්ලිමේන්තු මන්ත්‍රී එස්.එම් මරික්කාර්ගේ ආධාරකරුවන් බවටද අදහස් පලවී තිබුණා.
ජාතික සම්පත් විජාතිකකරණයට එරෙහිව වෘත්තීය ක්‍රියාමාර්ගයක යෙදුණු ඛණිජතෙල් සංස්ථා සේවකයන්ට මැරයන් ලවා පහරදීමත්, පොලීසිය නිහඩව සිටීමත්, ඔවුන්ට රාජ්‍ය මාධ්‍යයේද අනුග්‍රහය ලබා දී තිබීමත් ඉතාම පිළිකුල්සහගත කටයුත්තක් බවටයි සමාජජාලා ඔස්සේ අදහස් දක්වමින් බොහෝ දෙනෙකු ප්‍රකාශ කර ඇත්තේ.
අප වෙත ලැබුණු ඉතා විශ්වාසකටයුතු ආරංචි මාර්ගවලින් ද තහවුරු වූයේ මෙම පුද්ගලයන් අදාල මන්ත්‍රීවරයාගේ මැතිවරණ කටයුතුවලදීද සමීපව කටයුතු කළ පුද්ගලයන් බවයි.
