දිවයිනේ බොහෝ රෝහල්වල රෝගීන්ට අවශ්‍ය කරන ඖෂධ නොමැති බව රජයේ වෛද්‍ය නිලධාරීන්ගේ සංගමය පවසයි.
ඇතැම් ග්‍රාමීය හා පර්යන්ත රෝහල්වල ඖෂධ නොමැති වීමෙන් ජනතාව අසීරුතාවයට පත්ව ඇති බව, මාධ්‍ය ප්‍රකාශක චමිල් විජේසිංහ මහතා සඳහන් කරයි.
ඔවුන්ට සායන හා බාහිර රෝගී අංශවලින් ලබාගත යුතු ඖෂධ වැඩි ප්‍රමාණයක් බාහිරින් මිලදී ගැනීමට සිදුව ඇති බව චම්ලි විජේසිංහ මහතා පවසයි.
මේ පිළිබඳව සෞඛ්‍ය අමාත්‍ය කෙහෙලිය රඹුක්වැල්ල මහතා සඳහන් කරන්නේ, බොහෝ රෝහල්වල ඖෂධවල අඩුවක් දක්නට ලැබෙන බවයි.
ඇතැම් ස්ථානවල ඖෂධ ඇති බවත් ඒවා අඩු ස්ථානවලට යැවීමට පියවර ගන්නා බවත් අමාත්‍යවරයා පවසයි.