මැලේරියාවට එරෙහිව තවත් ප්‍රතිශක්තිකරණ එන්නතකට ලෝක සෞඛ්‍ය සංවිධානයේ අනුමැතිය හිමිව තිබේ.
මැලේරියාව මර්දනයට ලෝක සෞඛ්‍ය සංවිධානය අනුමැතිය දුන් දෙවැනි එන්නත මෙයයි.
ලෝක සෞඛ්‍ය සංවිධානය මීට පෙර ‘ආර්.ටී.එස්-එස්’ RTS-S මැලේරියා මර්දන එන්නතකට අනුමැතිය ලබා දුන්නේ මීට වසර දෙකකට පෙරය.
අලුතින් අනුමැතිය ලබා දී ඇත්තේ බ්‍රිතාන්‍යයේ ඔක්ස්ෆර්ඞ් විශ්ව විද්‍යාලයේ වෛද්‍ය පර්යේෂකයන් නිපදවා ඇති ‘ආර්21/මෙට්‍රික්ස්-එම්’ R21/Matrix-M නමැති එන්නතටයි.
2024 සිට මෙම එන්නත බෙදා හැරීම සිදුවනු ඇතැයි ද ලෝක සෞඛ්‍ය සංවිධානයේ ප්‍රධානී ඇඞ්හොම් ගෙබ්‍රියේසිස් පවසා තිබේ.