ඉස්ලාම් ආගමට අපහාස වන ආකාරයේ කාටූනයක් තම ෆේස්බුක් ජාලය හරහා බෙදාගත් බව කියන ජෝර්දානයේ ලේඛකයෙකු ඝාතනය කොට තිබේ. නඩු විභාගයට සහභාගිවීමට එරට අගනුවර වන අම්මාන් හි අධිකරණයකට පැමිණ ඒ ඉදිරිපිට හිටගෙන සිටියදී මොහුට වෙඩි ප්‍රහාර තුනක් එල්ලවී ඇත. ඝාතකයා පොලීසිය විසින් අත්අඩංගුවට ගෙන ඇති අතර රියාද් අබ්දුල්ලා ලෙස මොහු හඳුනාගෙන තිබේ. මොහු ඉස්ලාම් පූජකවරයෙකු බවත් කාටූ නය දැකීමෙන් මොහු අසහනයට පත්ව සිටි බවත් පොලීසිය කියයි. කෙසේවුවද වාර්තාවන ආකාරයට මොහු ආගමික අන්තවාදියෙකු ලෙස ප්‍රකට අයෙකි.
මියගිය ලේඛකයා වන නයිඩ් හත්තර් මෙම කාටූනය හේතුවෙන් පසුගිය අගෝස්තු මාසයේදී දින පහළොවක් අත්අඩංගුවේ පසුවිය. ක්‍රිස්තියානි ආගමිකයෙකු වුවද තමා අදේවවාදියෙකු බව කියන හත්තර් ඉස්ලාම් විරෝධියෙකු ලෙස ඇතැමුන් විසින් හඳුන්වයි. තමා වරදක් නොකළ බව හත්තර් කියා සිටි අතර මෙම මරණයට රජය වගකිව යුතු බව ඔහුට සහය දක්වන්නන්ගේ අදහසයි. රජය මෙම මරණය හෙළා දුටුවද මොහු අත්අඩංගුවට ගෙන රඳවා තබාගැනීමෙන් රජය ඔහුට මරණය ළඟා කළ බව ඔවුහු වැඩිදුරටත් කියති.
