නිරෝධායන ඇඳිරිනීතිය ක්රියාත්මක කාලසීමාව තුළ පොලිස් නිලධාරීන් රාජකාරි කටයුතු සිදුකළ යුතු ආකාරය සම්බන්ධයෙන් පොලිස්පති සී.ඩී. වික්රමරත්න මහතා විසින් පොලිස් ප්රධානීන් වෙත නිවේදනයක් නිකුත් කර තිබේ.
එම නිවේදනයේ දැක්වෙන්නේ අත්යවශ්ය සේවා පවත්වාගෙන යාම, ආර්ථික නිෂ්පාදන කටයුතු හා සෞඛ්ය සේවාවන් මනාව පවත්වාගෙන යාමට බාධා නොවන පරිදි අනවශ්ය ගමන් බිමන් සීමා කෙරෙන ලෙස නිරෝධායන ඇදිරි නීතිය ක්රියාත්මක කරන ලෙසටයි.
එම වගකීම පළාත් භාර ජ්යෙෂ්ඨ නියෝජ්ය පොලිස්පතිවරුන්, දිසා භාර නියෝජ්ය පොලිස්පතිවරුන්, කොට්ඨාස භාර නිලධාරීන් සහ දිස්ත්රික් භාර ජ්යෙෂ්ඨ රාජ්ය නිවේදිත නිලධාරීන් විසින් දැරිය යුතු බවත්, අදාළ නිලධාරීන් අධීක්ෂණය කර ඒ සඳහා සුදුසු උපදෙස් ලබාදිය යුතු බවත් පොලිස්පතිවරයා විසින් නිවේදනය කර තිබේ.
