වැලිකඩ බන්ධනාගාරයේ රැඳවියන් පිරිසක් බන්ධනාගාර වහළය මත නැග ආරම්භ කළ විරෝධතාව තවදුරටත් ක්‍රියාත්මක බව බන්ධනාගාර දෙපාර්තමේන්තුව පවසයි.
එම දෙපාර්තමේන්තුව සඳහන් කළේ, මේ වනවිට 10 දෙනෙකු පමණ විරෝධතාවයේ නිරතවන බවය.
සිය දඬුවම ලිහිල් කරන්නැයි, ඉල්ලමින් ඔවුන් විරෝධතාවයේ නිතර වන බව බන්ධනාගාර දෙපාර්තමේන්තුව ප්‍රකාශ කරයි.
කෙසේ වෙතත්, රැඳවියන්ගේ ඉල්ලීම්වලට සාධනීය පිළිතුරක් දීමට තම දෙපාර්තමේන්තුවට නොහැකි බව බන්ධනාගාර දෙපාර්තමේන්තුව පවසයි.
එම දෙපාර්තමේන්තුව සඳහන් කළේ, අදාළ ඉල්ලීම් සම්බන්ධයෙන් මේ වනවිට නීතිපති දෙපාර්තමේන්තුව සහ අධිකරණ අමාත්‍යාංශය දැනුවත් කර ඇති බවය.