හිටපු මහබැංකු අධිපති අර්ජුන් මහේන්ද්‍රන්ට චෝදනා එල්ලවූ බැදුම්කර අක්‍රමිකතාව සම්බන්ධයෙන් විගණකාධිපතිවරයා කෝප් කමිටුවට ඉදිරිපත් කළ වාර්තාව සම්බන්ධයෙන් තම පක්ෂයට සාධාරණ සැකයක් ඇතැයි මහාමාර්ග අමාත්‍ය ලක්ෂමන් කිරිඇල්ල මහතා පවසයි.
අගමැති කාර්යාලයේ ඊයේ පැවති රැස්වීමක් අමතමින් ඔහු මේ බව කියා සිටියේය.
එහිදී වැඩිදුරටත් අදහස් දැක්වූ කිරිඇල්ල ඇමතිවරයා පැවසුවේ විශේෂඥ උපදෙස් නොමැතිව විගණකාධිපතිවරයා මෙම වාර්තාව සකසා ඇති බවත්, විශේෂඥ උපදෙස් අනුව මෙම වාර්තාව සැකසුවානම්, එහි අන්තර්ගතය මුළුමනින්ම වෙනස් වීමට ඉඩ තිබුණු බවයි.
විගණකාධිපතිවරයාගේ මෙම ක්‍රියාකලාපය පිටුපස දේශපාලන හස්ථයක් ඇතිදැයි ඔහු වහාම රටට හෙළිකල යුතු බවද ඇමතිවරයා එහිදී පවසා තිබේ.