ආණ්ඩු පක්ෂයේ සිටින තනතුරු නොමැති මන්ත්රීවරුන් සඳහා අධීක්ෂණ මන්ත්රී ධූර පිරිනැමීම කෙරෙහි අවධානය යොමුව තිබෙන බවට රජයේ ආරංචි මාර්ග පවසයි.
කෙසේ වෙතත් එම අධීක්ෂණ මන්ත්රීවරුන් කැබිනට් අමාත්යාංශ හෝ රාජ්ය අමාත්යාංශවල අධීක්ෂණ මන්ත්රීවරුන් ලෙස නොව,රජය මගින් ක්රියාත්මක කරන ව්යාපෘති අධීක්ෂණය සඳහා ඔවුන් පත් කෙරෙනු ඇතැයි ආරංචි මාර්ග වලින් පැවසේ.
ඒ අනුව ඔවුන් අධීක්ෂණ මන්ත්රීවරුන් ලෙස පත් කිරීමට යෝජනා වී ඇත්තේ එම මන්ත්රීවරුන් නියෝජනය කරන දිස්ත්රික්කවලම බවද පැවසේ .
තනතුරු නොමැති මන්ත්රීවරුන් ඉකුත්දා කණ්ඩායම් තුනක් වශයෙන් ජනාධිපතිවරයා හමු වූ අතර එහිදී ද ජනාධිපතිවරයා මෙම අධීක්ෂණ මන්ත්රීවරුන් පත් කිරීම සම්බන්ධයෙන් අදහස් දක්වා ඇතැයි වාර්තා වෙයි.
දැනට රජය මගින් විශේෂ ව්යාපෘති ගණනාවක් රටපුරා මේ වන විට ආරම්භ කර ඇති අතර ඒවා අධීක්ෂණය සඳහා මන්ත්රීවරුන් පත් කිරීම වඩාත් ප්රායෝගික බව රජයේ අදහස වී තිබෙන බැවින් එම තීරණය ගෙන ඇති බවත් පැවසේ.