වී නිෂ්පාදනයට සාධාරණ මිලක් ගෙවීමට අපොහොසත් වීමත් මේ වනවිට රජයට අයත් ගබඩා තුළ වී අතිරික්තයක් පැවැතීමත් හේතුවෙන් යල කන්නයේ කුඹුරු අක්කර 125,000 ක වී වගාව නතර කර අතිරේක බෝගවගාවන් සිදු කරන ලෙසට කෘෂිකර්ම අමාත්‍යංශය මගින් දැනුම් දී ඇති බව වාර්තා වේ.
මේ වනවිට හම්බන්තොට දිස්ත්‍රීක්කයේ මහ කන්නයේ වී අස්වැන්න කපා අවසන් කර ඇති කුඹුරුවල අතිරේක බෝග වගා කිරීම ආරම්භ කර ඇති බව පැවසෙන අතර පොහොර සහනාධාරය වෙනුවට ඔවුන්ට හෙක්ටෙයාරයකට රුපියල් 25,000ක් ලබා දීමට සූදානම් වන බවත් වාර්තා වේ.
මහ කන්නයේ වී අස්වැන්න විකුණා ගැනීමට නොහැකි වීමෙන් ගොවීන් දැඩි දුෂ්කරතාවයකට මුහුණ දී සිටින අතර ආණ්ඩුවට වී මිලදී ගැනීමේ වැඩපිළිවෙලක් නොමැති වීමෙන් මේ වනවිට පෞද්ගලික වෙළඳුන් කුණු කොල්ලයට වී අස්වැන්න මිලදී ගැනීමේ නිරත වන බව පැවසේ.