භික්ෂු කතිකාවත් ලියාපදිංචි කිරීමේ පනත සම්බන්ධයෙන් තීරණයක් ගැනීම සදහා අස්ගිරි මහා සංඝ සභාව අස්ගිරි මහා විහාරයේ පවර උපාලි නාහිමි ශාලාවේදී ඊයේ රැස්විය.
අස්ගිරි පාර්ශවයේ මහා නායක අති පූජ්‍ය ගලගම ශ්‍රී අත්ථදස්සී නාහිමියන්ගේ මූලිකත්වනේ උභය පාර්ශවීය මාහා සංඝරත්නයේ සහභාගීත්වයෙන් පැවති මෙම රැස්වීමේදී යෝජිත භික්ෂු කතිකාවත් පනත පිළිබදව දීර්ඝ වශයෙන් සාකච්ඡාවට බදුන් වූ අතර ශාසනික වශයෙන් සංවේදීව බලපාන මෙවැනි පනත් හදිසියේ සම්මත කිරීමට එකග නොවන බවත් සුදුසු සංශෝධන ඉදිරියේදී ඉදිරිපත් කරන බවත් අස්ගිරි සංඝ සභාව විසින් තීරණය කරන ලදි.